رعاية متخصصة في جراحة القلب وفق أعلى المعايير الطبية

في البداية كنت خايف ومتردد، ما عرفتش وين ندير العملية، حوست بزاف، وسمعت على قطب القلب في عيادة محمد المهدي، جيت واستقبلوني ونصحوني وخلاو القرار في يدي، وبعدما استشرت أطباء، أخبروني بلي العملية في عيادة محمد المهدي حتكون أفضل قرار، خاصة بإشراف واحد من أفضل الجراحين في العالم: بروفيسور كويتيل. الحمد لله درت عملية على Valvulopathie وكانت ناجحة وقدرت نرجع للحياة ونمشي ونتحرك بعد أقل من خمسة أيام الطاقم الطبي وشبه طبي والجراحين والممرضين كلهم عندهم كفاءة عالية، وقسم جراحة القلب والأوعية الدموية كأنه في الخارج في بلاد أوروبية. شكرا عيادة محمد المهدي

كي درت العملية على قلبي ما كنتش علابالي بلي أسبوع ونولي لاباس ونمشي على رجليا في هذا العمر، الحمد لله الأطباء وقفوا معانا والجراحين والممرضين وحتى العمال، دارولنا بساط من الريح، وأنا ننصح أي واحد عندو مشكلة في القلب ولازملو جراحة يجي لقطب القلب في عيادة محمد المهدي بقسنطينة، كفاءة وتربية وأخلاق

عانيت لأشهر من ضيق التنفس خاصة في الليل، وكنت نضطر نروح للمستشفى تقريبا يوميا من أجل الأكسجين، وبعض التشخيصات تبين أن عندي تشوه خلقي في الشريان الأبهر، كان يستوجب عملية، وهامش الخطر كان كبيرا، نصحتني طبيبتي بإجراء العملية في قطب القلب بعيادة محمد المهدي بقسنطينة، أجريت بحثي ووجدت فيها جراحين من الطراز الرفيع بخبرة عالمية تفوق 40 سنة، من مستشفيات أوروبية، توكلت على الله والحمد لله العملية نجحت وأنا اليوم في صحة جيدة بعد أقل من 3 أشهر على العملية

كانت العملية كما لو أنني نمت للحظات ثم استيقظت، ما أمنتش كي شفت روحي في قاعة الإنعاش، والأطباء والممرضين دايرين بيا ويقولولي بلي خلصت العملية بنجاح والحمد لله، بعد أقل من أسبوع قدرت نمشي ونتحرك ونهدر بشكل عادي جدا. الحقيقة زرت عدة أقسام جراحة القلب باش نشوف وين المكان الأمثل اللي يوفرلي كلشي، واستقر قراري على قسم جراحة القلب في قطب القلب في عيادة محمد المهدي. الفريق هنا من الجراحين إلى الفريق شبه طبي إلى العمال عندهم إخلاص كبير في العمل، وإتقان واحترافية كبيرة. نتمنى فعلا كل العيادات والمستشفيات في الجزائر تقتدي بهم

عملية القلب ماهيش ساهلة، أنا خوفوني خاصة العائلة، بصح حوست على أفضل مكان واتخذت قراري وقلت يا جات يا راحت، والحمد لله سلكت على خير والعملية كانت ناجحة، حسيت بلي راني بين أولادي وبناتي، حاجة ما كانت تنقصني، ودرك عندي سمانة من اللي أجريت العملية، وهذا الأسبوع نولي لداري إن شاء الله. تحية للأطباء والممرضين في عيادة محمد المهدي وربي يجازيهم بخير إن شاء الله